محمد سامى يطرح دعاء ” لكل المسلمين “

10529501_837751922909656_442219272_n

ماجي مجدي 54

طرح المطرب الشاب محمد سامى  ، دعاء جديد بمناسبه شهر رمضان يحكمل عنوان “لـكل المـسلمين ” ” لـكل المسلمين ” من كلمات رأفت مُصلح ، و الحان و توزيع نزار حراك ، و هنـدسه صوتيه حازم مَـنسى . وقد أطلق محمد سامى الكليب الخاص بالدعاء على قناته الشخصيه على موقع اليوتيوب . من ناحيه أخرى يتابع محمد سامى فى تحضير ألبومه ، و  يُعتبر اول البوم له .

صداقة من زجاج

طلب صداقة

Fahd EL Massrey 180

صداقة من زجاج نعم هي كذلك شتان بين صداقة من فولاذ و اخرى من زجاج وعشان حبايبنا اللي مابيفهموش عربي خلينا نتكلم بالعامية زمان كنت بسمع عن واحد باع حبيبته عشان حب واحدة غيرها وواحدة باعت حبيبها عشان شافتلها واحد غيره انما عن واحد يبيع صاحبه عشان واحدة بيحبها !! وواحدة بتبيع اللي بيخاف عليها عشان كلب مايسواش و الغريب يا اخي ان العلاقات واضحة جدا لا بيحبها ولا بتحبه بس الواد عسول ووسيم و هي هيمانة يعين في عيونه باعت كل حاجة عشانة و عارفة انه عمره ما فكر فيها لا وكمان معترفين ان العلاقة يادوب تقضية وقت هو لو عليه مش فارقة معاه في الاول و في الاخر ولد اما هيا بقى بتكدب الكدبة و تصدقها . ببساطة راضية تبيع نفسها لواحد ظهر فجأة في حياتها ونسيت تمام اللي كان بيحبها فعلا و بيخاف عليها . وتسألها : * بتحبيه يا بنتي ؟؟ - لا مش بحبه * طب ماشية معاه ليه و ازاي بتكلميه ؟ - بص انا و هوا صحاب جدا و اكتر من الصحاب كمان * و هو عارف انك مش بتحبيه ؟ - اه عارف طبعا و مبنفكرش اساسا في الحب * بس غريبة الصداقة اللي ظهرت فجأة دي - لا مش غريبة انت مش متخيل الانسان دا بالنسبة ليا ايه * اتخيل ازاي و انا عمري ما سمعت عنه قبل كدا في حياتك ولا حتى في طبق اليوم - ملكش دعوة انا كدا مرتاحة و مبقتش احب حد يدخل في خصوصياتي *انتي بتتكلمي بجد يا( اسمها ) ؟؟؟ - اه بتكلم بجد *تمام ربنا يوفقك - اوك ــــــــــــــــــــــــــــــــــــــــــــــــــــــــــــــــــــــــــــــــــــــ احب اقولكم الفالصو بيدور على الفالصو و الذهب عمره ما يتغش احب اقولك انتي بالذات صدقيني عمرك ما هترتاحي هتفضلي مذلولة لكل واحد شوية احب اقولك وعارف انك مش هتفهمي ولا كلمة بس طول عمري كنت ماشي على قد عقلك و بفهمك اكبري انتي بقى بمستوايا و حاولي تفهمي … على مهد العزوبة كيف ترجين اللقاح وكيف تحيين الدياجي ثم يأتيكي الصباح اوليس يبحر فيكي الحب اشرعة و شراع حبي سوف تلعنه الرياح فلتحجبين اللوم عني و اكتفي ماعاد قلبي يحمل السبع الملاح و الله ماترك الهوى بربوعنا الا دياج طال بينهما النطاح على تلك الاريكة سوف تتعبنا الاماني من لم يذق منا المرارة ام تخطينا الكفاح غيبوبة طالت فطال سوادها و الفجر يشهد ان في العزل الفلاح ارضينا ان نبقى كزهر الياسمين ام هل رضينا ان تمزقنا الرماح !!! ان كان قتلك للآمال موهبة فأنا الذي ما عاش يوما بارتياح   فهد المصري    

مِـش دايـمه

10519230_677163232375473_170333110_n

ماجي مجدي 66

يا فتاح يا عليم يا رزاق يا كريم قرار : رفع أجور العاملين بالدولة 100 جنيه للدرجة السادسة الحمد لله 100 جنيه حلوه بردوا اهى أحسن من مَفيش حاجه تِـسند الـواحد شِويه عقبال ما يحـددوا هـيفرجوا عَـلينا إمتى ؟ و يـدونا دخل عليه القيمه  يا ، مسهل يا رب . عاجل : قرار من الحكومه الجديده برفع الدعم عن الوقود يا نهار اسود ، يا حول و لا قوه الا بالله ، طب ليه بس كده ؟ و يـا رتنى ما قولت ليه بس كده ، سِمعت رد من اسطوانه مَـشروخه بـقالها زمـن ، و كـانت الاجابه : نظرآ لـفساد المنظمات السابقه . ! بردوا ! تانى ! نظام سابق ! مش قولنا طول ما عمرنا بنجيب العيب على الانظمه السابقه عمرنا ما هنحل حاجه ، أه و الله قولنا و صوتنا اتقطع من كتر ما قولنا . بدل ما ترفع الدعم من على الغلابه اللى خلاص جابوا آخرهم ، افرض الضرايب على الاغنيا ولا رجَـع الـفلوس المنهوبه من الـبلد و مرميه فى بنوك بره ، عندك قضايا فساد قد كده بـقالها 4 سنين فى المحاكم و مَـتحكمش فيها ربع حُـكم زى قضايا بقالها اقل من سنه اتحكم فيها ، قضايا عندك بمليارات استعجلوا الحكم فيها بقى و رجعوا فلوس الشعب اللى بره ، و لا انتوا مقدرتوش على الحمار فجيتوا على ……… ؟ ! طب معايا بالتدريج كده لما قال رئيس الوزرا إن القرار مش هيأثر على الناس الغلابه و ان مش هيبقى فى زياده فى المواصلات ، تانى يوم من القرار صدر قرارات من كل محافظ بالتسعيرات الجديده للمواصلات و المواصلات زادت و الناس ابتدت تطحن ، و معنى زياده مواصلات يعنى زياده سلع و بالفعل فى زياده اهى و الشعب بردوا هـيطحن ،  القرار ده هيوصلك لـكساد اقتصادى بسبب الاسعار النار اللى فى الاسواق بـالمعنى البلدى هـيلبسك فى الحيط يا باشا . بـعدين هو إنت حضرتك فاكر الناس عارفه تعيش بـالملاليم اللى بياخدوها دى ،  الناس صابره و ساكته و عايشه على أمل 1% إنكوا تحـسوا بيهم شويه و تـِراعوا ربنا فيهم ، معلش يعنى حضرتك متخيل إيه من زياده أسعار مع ثبات مرتب ؟ إنت متوقع ممكن يحصل ايه ؟؟ ممكن وقتها الشخص يعمل أى حاجه عشان يعرف يعيش هو و عياله ، و مش هـيبقى عنده ولاء لـبلد دايسه عليه ، يعنى إحنا بـنقول عـايزين نِـقضى على الفساد و إنت بـقراراتك دى مش واخد بالـك إنك بـِترجع الفساد اللى هو اصلآ لسه جذوره موجوده . كمان ليه فاتورة الكهربا هـتـزيد بـنسبه 30% ، ولا مؤاخذه يعنى سؤال هيجننى ! حضرتك هيا فين الكهربا اصلآ ؟! حضرتك عارف بسبب قطع الكهربا دى قد إيه كـميه خساير فى الاجهزه الكهربـيه فى كل بيت و مش على قد البيوت بس ،  فى كل مكان المحلات و المكاتب و المستشفيات ، آه و المستشفيات دى حُط تحتها 100 خط ، يا باشا فى أطفال فى الحضانات بـيتقطع النور عليهم و طبعآ بسبب الاهمال اللى فى المستشفيات الحكومى نظرآ لعدم وجود بديل احتياطى لانقطاع الكهربا فى منهم أطفال بـيموتوا آه والله بـيموتوا و مش على قـد الاطفال و بس ، بقى فى دلـوقت عـمليات بتـتعمل على كشافات الموبايل بسبـب قطع الكهربا فى وسط العمليه و فى أكتر من كده بس خلينا ساكتين . سؤال تانى : يعنى عشان تزودا المرتب 100 جنيه تحطوا قدامه اكتر من 200 جنيه زياده فى الحياه اللى شبه آدميه ؟ بـذمتك ده يرضى ربنا ؟ طب بذمتك ياللى مـسؤل إنت حـاسس بـالناس ؟ إنت لو حاسس بربع اللى الناس الغلابه حاسه بيه كنت عمرك ما هتيجى عليهم بالشكل ده ، إنت حضرتك مبتشوفش بلدك اللى بيتعملها اعلانات شحاته على الفقرا ، مبتشوفش الـقرى الـلى يعُتـبر الناس فيـها مـدفونه بـالحيا و لا إنت مبتشوفش غير مصر اللى على فى المسلسلات الهاى كلاس . عمرك ماهتتقدم ببلد يا باشا لو قطعت فيها عن الناس النور ، طول ما الغلابه مطحونين اعرف إن مكانك مش هـيدوم ، طول ما العدل بين الناس معدوم عمرك ما هتوصل لبر آمان بالعكس و قتها هتلاقى نفسك فى مكان صدقنى مش هيبقى على مزاجك و لا هواك .  

مِش من حَـقك

كاريكتير : محمد منصور

ماجي مجدي 102

لـو قـولنا مبروك لِـمَصر هـسمع زغـروطه ؟ طـب استنوا أول ، مش تـعرفوا مـبروك على إيـه ؟ بـجد فخوره بـبلدى ، بنحقـق مـراكز علـى مستوى العالم . مـاشاء الله ، و الله أكبر فـى عـين الـحاسدين ، بـقينا المركز الـتانى على مستوى العالم فـى التحرش . سـألـنا نـاس يـا تـرى إيه السبب فى التحرش لقيـنا الـردود مُختلفه عن بَـعضها ، تـقريبآ قِدرنـا نَقسم الناس لِـمجموعات مِـش مُتفـقه مع بَـعضها . مـجموعه جـابت العيـب على البنت و على طـريقه لِبسها بس أما فكرت لقيت إن عمر اللبس ما كان السبـب الـرئيسى لإنتشار ظـاهره التَـحرش ، مـا عندك الست المُنقبه مِن ضِمن ضحايا التَحرش ، و عندك زمان كانوا البنات بـيمشوا فى الشارع بـالميكرو جيب و مكنش فى تَحرش و لا أى حـاجه من دى ، مثال تـانى : عندك أفـغانستان مثلآ أخدت المركز الاول فى التحرش على مستوى العالم رغم إن هناك مَتلمحش ضـافر واحده من الشوال اللى بتبقى لَـبساها .. فـ حـكايه اللبس دى تُـعتبر شماعه بـيتعلق عليها غـرائز شهوانيه لشباب معدوم الاخلاق و التربيه . مجموعه تانيه : جـابت العيـب على أحـوال البلد و تـأخر سِن زواج الشباب نـظرآ للظروف الماديه للشباب و انتشار البطاله و كمان انتشار عوائـق كتير للشباب تمنعهم عن الجواز ، زى الشَبكه و المهر و الشقه و التجهيز و شويه العادات و التقاليد بـتوع بلدنا دول ، فـقالولك إيه بـقى المجموعه دى : الشاب مش لاقى يتجوز و تعبان و مش لاقى طريقه غير كده و دول اتـعاطفوا مع ظروف الشباب ، و طبعآ ده عمره مـا كـان مُبرر ، بمعنى تانى الشاب ده عمره مـا هـيقبل إن حد يتحرش بـ أخته أو أمُه لـمجرد إن ظـروف البلد مِـش سَامحاله إنه يـتجوز فـَمِن الاخر التحرش مِش الـغايـه اللى تـبرر بيها الـوسيله فى الحاله دى . مجموعه تالته : شافت من وجهه نَـظرها إن العيـب من الـبدايه كـان فى ثـقافه المجتمع ، لما بدأ عمل فـروق بين تعامل الـولاد و البنات و ابتدا ده بـإن المدارس متبقاش مدارس مختلطه ، و بَـقى فى فـرق فى التعامل .. طـوابير مُنفصله ,. دروس مُنفصله .. البنات تلعب مع البنات و الولاد تلعب مع الولاد .. بـقت ثقافه الممنوع مـرغوب هيا اللى سايده فى المجتمع ، فَـ بـَقى من الطبيعى إن الشباب تَحس الـبنات دى جِـنس غَـريب بـالنسبه لـيهم . أمـا المجموعه الرابعه : إتَهمت الإنـفتاح الـزياده فى إسفاف الافلام اللى إتسَمت بـ أفلام المصلحه ، يـعنى مُنتج ينـتج فيلم مـالوش قضيه و يحط فيه كام منظر خـارج عشان الفيلم يكسب و يجمع ايرادات الموسم و أهو كل سنه و انتوا طيـبين بَـقى ، و مبقاش فى رقـِابه على أثار الافلام دى بعد كده ، دلـوقت ممكن بنت تبقى مـاشيه خـايفه من عيل صُـغير مـاشى جنبها ، لإن للأسف الاطفال بـيقلدوا الكبار و بيعملوا زى الافلام ، أيوه ! بيتحرشوا ، ده معناه إن الحكايه مِش حكايه كـبت جنسى ، دى حكايه ثـقافه غلط و بـتنـتشر بـالتدريج زيـها زى المخدرات اللى بتسمم الواحد بالتدريج . انا عن نفسى مش هنكر إن الافلام ليها أثر على الاطفال قبل الشباب ، الأسفاف عـباره عن وصمه عـار مـاشيه تسيـب عـلامتها فى اللى المفروض هـيـبقوا مُستقبل البلد و دول أطفال مـفيش لـوم عَليهم ، الطفل مـعروف بـِطبـيعته بـيحب يقلد ، اللوم اللى بجد على الرقابه اللى تقريبآ بَـقت مَـعدومه فى معظم البيوت ، غيابها كان سبب كبير أوى فى اللى وصل ليه اطفال انهارده . بـعد مـا سِمعنا كلام الناس لـقينا إنـنا نسيـنا نسألهم عن حاجه مهمه جدآ ليه الناس بتـقف تـتفرج على اللى بيتحرش من غير مـا تعمل حاجه للمتحرش ؟! ليه بـيتعاملوا مع الظاهره كـشئ روتينى اتـعودوا عليه ؟ و لا هما فعلآ اتعودوا عليه !! قِمه المفأجاه لما الدراسات أثبتت إن فى أكـتر مِن 20 مـليون مُـتحرش فى مصر ، ده فى حـد ذاتـه كـارثه بتهدد أمن كل بنت فى البلد دى ، عارف يعنى إيه بـنت تبقى خـارجه من بيتها لـِمدرستها و لا كُـليتها و لا شُغلها و هيا خـايفه من كل واحد معدى جنبها حتى الطفل بتخاف منه ، عـارف يعنى إيه أهـالى ممكن يِـمنعوا بـعد كده بناتهم من التعليم عشان ميخرجوش ده لـو فِضلت الـظاهره كده فى إزدياد مُستمر أقولك أنـا يعنى إيه ، يعنى إنت بـتحكم على مستقبل و طموح ملايين من البنات بعد كده بالضياع ، يعنى إنت عـايز بـلدك تِـفضل زى مـا هيا متـتقدمش ولا خطوه لـقُدام لا و بـالعكس بـلدك هـترجع أكتر من 100 سـنه لـورا ، يعنى الجهل هيـبقى هو اللى ماشى فى بلدك ،ده معناه إنك مِش هـتلاقى أم نـاضجه مُتعلمه تـعلم ولادك و تـطلعهم زى مـا إنت عـايز و بـالتالى ضـياع أجيال جـايه ، يـعنى هَـتضيع مَفهوم كلمه الامان عند البنت اللى المفروض تحسه مع الراجل و عمرها مـا هـتبقى عـايشه مـطمنه ، تَـصور لما تـخلى ملايـين من البنات عـايشين فى خوف مبـينتهـبش . جربت أوصف المُتحرش بـالحيوان لقيت إنى بـِكده بَهين الحيوان ، الحيوانات ليهم قواعد و قوانين ، مـعندهمش تَـحرش ، عُمرك شوفت كـذا قُـط مـتجمع حـوالين قطه فى دايره ، مفيش . حتى الحيوانات بتحترم بعض و ليهم طريقه فى التعامل . أنـا و كل بنت بـِنعتبر المُتحرش كـائن مـَعدوم الانسانيه ، مهما حصل من أسباب مينفعش إنه يعمل كده ، أه فى أسباب و لازم نِـعترف بـيها و لازم تـتعالج ،و لـحد مـا نـعالجها مفيش بـردوا مُبرر يـديك الحق إنك تِـلمس واحده مش من حقك ، مفيش مُبرر إنك تـعمل حـاجات ضـد ديـنك لـمجرد إنك إنسان مَحروم من الجنس فى بلدك ، مينفعش تـعمل كده و يـبقى ضميرك مـرتاح و شايف إنك معملتش حاجه غلط ،اللى لازم تـعرفه و مينفعش تـنساه إنك غلط و ثقافه بلدك من عادات و تقاليد و إنفتاح بطريقه مش صح ده بردوا غلط . الغلط عليكوا انتوا الاتـنين ،و لازم يتصلح ، أنـا مـعنديش حلول ، أنـا مش أخصائيه حـل مشاكل ، لـكن اللى أقدر أقوله ان لازم يبقى في عقاب جاد للى بيعملوا كده ، مينفعش نقول سنه سجن للمُتحرش ، و كمان بـالإستـئناف ممكن يـوصلوا لِـسجن 6 شهور و إحتمال كمان يبقى مع ايقاف التنفيذ ، أنـا مش هـتدخل فى احكام القانون ،لكن خَـلى المسؤل عن وضـع القانون يـعتبر إن بـنته حـصلها كده ، يـشوف وقتها هيـبقى رد فعله إيه ، و إيه العقاب اللى ممكن بـجد يـَرجع جُـزء من حق بـنته كاريكتير : محمد منصور  

ديمقراطية الهَمَجْ

1150169_1409472325935736_1189928057_n

Fahd EL Massrey 233

بسم الله الرحمن الرحيم باللغة العامية اكتب اليوم مقالتي في البداية ارحل ارحل يا مبارك السعودية في انتظارك الشعب يريد اسقاط النظام الشعب يريد اسقاط النظام وسقط النظام يا حيلتها منك له المجلس العسكري بيدير شؤون البلد مااااااااشي شوف الشارع الهمجي يسقط يسقط حكم العسكر يسقط يسقط حكم العسكر الشعب يريد اعدام المشير الشعب يريد اعدام المشير يخربيوتكو انتو لحقتو ؟؟ ماااااشي سقط حكم العسكر و السلطة اتسلمت لرئيس المفروض انو منتخب و جه بالصندوق راجل غلبان على نياته فكر انو هيقدر يعدلها في 100 يوم مئة يوم 100 يوم يا سيادة الرئيس ؟؟ ههههه مكنتش اعرف ان في ناس بتفكر بالبراءة دي لسا ما علينا وحكم الرئيس الجديد ولسه بيقسم اليمين تلاقي الاشكال الهمجية بتاعت الفيس بوك اللي اساسا ملهومش في اي بتنجان يدخلو و يكتبو فين بقى التغيير بتاع الميت يووووم ؟؟؟ ههههه دا الراجل لسا بيقسم اليمين يا ابن الهبلة يرد عليك لا برضو المفروض يكون اد كلامه و ينفذ المشروع – انت عبيط يا له انتي هبلة يابت ؟؟؟ الراجل لسا على شاشات التليفزيون بيأدي القسم … مااااعلينا الراجل مسك الحكم وعادي يعني قاللك مفيش مشروع 100 يوم ولا بتنجان يروحو الهمجيين الهبل يقولو الحقواا دا كان بيستغفلنا و بيضحك علينا يللا يا مغفل منك ليه ايوة مغفل لانك صدقت اصلا ان بلد واقعة من 35 سنة هيتعدل حالة في 100 يوم يجي المعزول يقول انا لو اربعة نزلو الميدان وقالو ارحل همشي على طول نزل بدل الاربعة الف الفين تلاتة مليون قاللك الشرعية والغريب يا اخي ان المليون اللي نزلو فيهم واحد متظاهر و تسعومية تسعة و تسعين الف متفرجين ويسقط يسقط الاخوان يجيلك دور الجيش اللي حمى كل الثورات ادوني تفويض و امر بالقضاء على العنف و الارهاب المحتمل وطبيعة الشعب الهمجي انهم اصلا كارهين قعدة البيت نزلو شوية همج يتفرجو عملو عدد مش بطال واتشال حكم الاخوان الفرحة مبقتش سايعة الناس الناس روحت بيوتهم همج الفيس رجعوا العسكر قتالين دباحين ياااااي شفتو ازاي بيعلو صوتهم على الناس في الشارع لا انا مش مستحمل كدا انا مش قادرة اهيئ اهيئ اهيئ ( لاسم ننسل كوللنا نقف في وش العسكر دول و نقولهم لا ياسكت ياسكت حوكم العاسكار .. ياسكت ياسكت حوكم العاسكار ) العسكر مش هيسقط يابن الهبلة منك ليها دا جيش دولة يافرفور انت وهي تلاقي البرامج الساقطة اللي فاهمة الديمقراطية غلط كل واحد يطلع يسبلك في التاني وبرنامج منهم قال عشان يبقى محايد جدا نجح فعلا في الحيادية بس مع احترامي لمقدمه بدون ذكر اسماء ( الدكتور باسم يوسف ) قدم نوعية مختلفة من الشو اللي بيظهر في شكل ساخر و كوميدي بس يا دكتور هو لازم تتلفظ بأشياء خارجة عن نطاق الادب ؟؟؟ انا معاك ان شعبنا شعب وسخ وبيعشق السفالة و قلة الادب كنت منتظر من حضرتك بما انك تقريبا نجحت في تحقيق اعلى نسبة مشاهدة انك ترتقي بأخلاق الناس مش تزود قلة الادب عندهم انا شفت من البرنامج دا حلقتين تقريبا بس _ يجي همجي او همجية يقوللي انت شفت حلقة واحدة وجاي تتكلم ؟؟؟ ازاي تسمح لنفسك انك تحكم عليه كدا _ طووويب ممكن تسمعني صمتك يا همجي انت و هي شوية ؟؟؟ تؤ خلاص هجاوبك عشان ميطقش ليك عرق انت وهي الحلقتين اللي اتفرجت عليهم برغم اني ضحكت فعلا بس للأسف مقدرتش افرج واحدة من اخواتي عليهم عشان الكلام المبتذل و الاشارات السافلة اللي كانت في الحلقة ارتحتو اتبطيتو . اهمدو بقى شوية المهم العسكر مسك الحكم مبدئيا مع الرجل العظيم عدلي منصور الهمجين ازاي يبقى عندنا رجل محترم يمسك الدولة ؟؟؟ اطلقو عليه ابشع الصفات واذل الاسماء الجيش ظبط في الطرق افتتح كباري من صنع خير اجناد الارض رصف شوارع اخيرا ابتدينا نحس بالادمية يطلعلك شعب الهمج مش عاجبهم النظافة يسقط يسقط حكم العسكر وتستمر المناهضة انا اسف طولت عليكم وعارف ان كرهكم زاد ليا من طريقة كلامي بس هما كلمتين ياللي عايز تفضل همجي .. لو احترمت بلدك احترامك لوالديك صدقني كان حالنا اتعدل ربنا يا يهديك يا ياخدك تحياتي  

انثى مصرية

Fahd EL Massrey (304)

Fahd EL Massrey 352

بسم الله الرحمن الرحيم في هذا الجزء من المقالة لا اتطرق للمقارنة بين البنت المصرية و اخرى اجنبية ولكن ما اريد مناقشته هو ذلك الشيئ الغريب الذي رأيته في وجدان الانثى المصرية رغم انه افرحني قليلا الا انه احزنني كثير ا .. بعد ثورة الخامس و العشرين من يناير كانت الديموقراطية و حلم تحقيقها هي الشغل الشاغل الذي اتعب عقول الكثيرين منا شبابا و صبايا , رآه البعض تحقيق للمصالح الشخصية فكان بالامر اليسر , و رآه الاخر تحقيق ماتطلبه النفوس من المتعة و غيرها و هنا كانت المصيبة . يقولون ان الولد او الرجل لا يعيبه شيئ ولكن الحقيقة ان الرجل احيانا يكون كتلة من العيب وسأترك هذا للمقالة القادمة بإذن الله اما المرأة التي يراها الاغلبون انها كتلة من العيوب متحركة هي ليست كذلك والا ما كانت رمزا للعفة و الطهارة . في الاونة الاخيرة وخاصة ما بعد الثورة وجدت ان حركة التحرر لدى الفتيات المصريات قد بلغت ذروتها و كأنها تريد ان تهدم صورة العفة و الطهارة في عيون الناس , وكما يقولون لا دخان بلا نار فإن ما ساعد الفتاة المصرية على التحرر او بمعنى اوضح ( السفالة ) الا كلاب التحرر من الشباب الذين سال لعابهم على المرأة وسحرها وكأنهم يقولون لها انتي اختارتي الطريق و نحن نمولك ولا سبيل للعودة فإن عادت فهي جبانة خوافة مكتأبة مشكوك في انوثتها وان اكملت مشوار العهر فهي بطلة و مثال حضاري لكل بنات مصر. من مظاهر التحرر لدى بعض فتيات مصر بعد الثورة مايلي تراها مثلا غير معترفة بكونها انثى تتعامل معاملة الولد في كل شيء كرفع الصوت كممارسة دور قيادي ليس من حقها او ان هذا الدور يبطل من تعريفها الانثوي , احيانا تجد اغلب الفتيات و بنسبة كبيرة لا يلتفتن ولا ياعين حساب ان لهن تركيب جسدي مختلف تماما عن الولد تراها تتحدث و تتمايل او تندفع نحو الرجل مباشرة كاندفاعها نحو صديقتها وكأن من اندفعت نحوه انثى لا رجل تأتي انحناآت جسمها عليه و هو طبعا في غاية الانبساط و الفرحة شيئ كان يتمناه و هاهو يأتي اليه دون تعب و تقوم ايضا مثلا بمحادثته سرا فتقترب منه لدرجة الالتصاق شبه الكامل واذا مثلا ركز انتباهه في منطقة معينة منها ولاحظته فهناك اكثر من ردة فعل : الغير محترمة ضحكة قذرة وتمسك بذراعة وكلمة اقذر الفتاه العصرية ( ايه ياض بتبص على ايه ) و تعيد بنفسها النظر الى نفس الجزء منها كأنها تتأكد من انه فعلا جذاب الفتاة المهزوزة تراها تتلعثم تحمر خجلا وتذهب الى اقرب مرآة لتنظر الى نفس الجزء لكي تخفيه احيانا او تقرر تركه كما هو الفتاه المحترمة ( انت اصلا واحد موهزأ انت معندكش اخوات بنات . طب لما انتي زعلتي اوي كدا ايه اللي خلاكي تلزقي فيه اللزقة السودا دي بلبسك اللي اصلا كاشف كل حاجة فيكي ) من البنات ايضا اخرى متحررة في الكلام كأن تتفوه بكلمات من للأسف التقطتها من سفالة الشارع فبدلا من ان تكون رافضة لعبارات القبح و الاسفاف تكون هي الراعي الرسمي لهذه العبارات والاصعب انها تتفوه بها علنا حتى في وجود الشباب اما المحترمات للأسف فبدلا من التفوه بالكلمة يدلون احيانا بما يعنيها او يدل على ان القصد من الدلالة هي هذه الكلمة او الاشارة الجسدية لها . اعرف اني قد اطلت عليكم السفيه من يرى رسالتي على انها عنصرية او انني شخص مبتذل لكن ما اقوله حقيقة و الساكت عن الحق شيطان اخرس شكرا لكل من مر عليها فهد المصري

اكتشف ذاتك

SAMSUNG

Fahd EL Massrey 251

إكتشف ذاتك      بقلم فهد المصري كل واحد منا يريد أن يغير سلوك الآخرين وكل منا يريد ان يلعب دورا أساسيا في ذلك وقد يراه الاخرون خطأ في حقهم ان يأتي أحدهم ليعدلهم عن طريق الخطأ الذي هو في وجهة نظرهم أصح و أسلم الطرق المشكلة لاتأتي من اساليب الاشخاص لتغير اتجاهات الحياة لأشخاص آخرين ولكن المشكلة الحقيقية تلك الغيرة و الكراهية التي قد تنبعث من قلوبهم ايزاء النصائح الموجهة لهم شخصيا ارى ان من يريد تغير الآخرين قد يصعب عليه الأمر اكثر مما يتوقع وتلك موهبة لم ينالها الكثيرون منا فذاك نبينا عليه افضل الصلاة و أتم التسلم لم يستطع أن يغير حياة اقرب الناس اليه فماتو مشركين ومنهم من أكنوا له كراهية غير معهودة و منهم من دافع عنه و عن رسالته ولكنه لم يؤمن بها تغيير حياة الاخرين اولا و أخيرا اراها تتناسب مع مشيئة رب العباد لتلك المنظومة التي نظمها في اقدار البشر و هي ان لكل منا قدر و هو لاقيه ولكن نعلم تماما ان هناك اسباب قد امرنا رب العباد ان نتبعها محجة تغير الحياة ومن ناحية اخرى دعونا نتخيل سويا ان كل منا قد انشغل بتغيير نفسه عن تغيير الآخرين ولا اعتقد ابدا ان هناك من يريد تغيير نفسه من الافضل الى الاسوء فكلنا نرغب بحياة افضل و معيشة راقية و الرقي هنا لا اعني به التقدم ومواكبة التكنولوجيا التي باتت على ارتباط وثيق بنا اكثر من اقربائنا و اصدقائنا ولكن اقصد به الرقي في الفكر و التحليل  وحساب الذات الذي يعد اهم خيط يهديك الى طريق الرشاد عندما تغير نفسك ستجد مايلي اولا / ترى نفسك قادرا  على ان تستجيب لنصيحة الاخرين و السبب انك عندما حاسبت نفسك وقفت عند هذه النقطة فعلمت انك كنت على خطأ  لذلك عدلتها وبت على عمل بها ثانيا/ عندما تغير نفسك ستجد ذلك الدافع القوي الذي يدفعك لتغيير سلوك الآخرين لأنك بكل بساطة وجدت حلاوة التغيير ولا تريد أن تبخل بها على غيرك وهنا اقف وقفة بسيطة : عندما تطبق هذه النقطة في نفسك و طبقها غيرك في نفسه و طبقها هذا و ذاك و تلك  , فقط اريدك ان تتخيل ذاك الثوب الجديد الذي سترتديه طرقاتنا في التعامل و الاسلوب ستجد نفسك أسعد من حولك في حين سيجد الاخر انه اسعد من حوله اذا سترى السعادة في عيون الاخرين ليس لانك غيرت حياتهم بل لأنهم علمو تماما ان تغيير حياتهم ليس بذلك الشيئ البعيد المنال وسوف اوجز في السعادة مقالات اخرى بإذن الله لكي لا يطول الحديث . ثالثا/ عندما تغير نفسك ستجد أنك قد ولدت من جديد ليس لأنك جربت اشياء اخرى جديدة ولكن لأنك قد استنشقت هواء الحرية الذي هو النفس الاول لأول مولود على الفطرة رابعا/ تغيير النفس من أجمل المغامرات التي تجعلك مشغولا و شغوفا بها ستكتشف في ذاتك اشياءا لم تكن تتوقعها ستجد في نفسك شخصا اخر تريد ان تحدثه كل يوم و كل ساعة و دقيقة ولو وصل بك الحال لحدثته كل ثانية ستندم فعلا انك لم تتعرف اليه منذ امد بعيد ولكنك ستفرح اكثر عندما تعلم ان هذا الشخص هو انت خامسا/ التغير لا يأتي بين عشية و ضحاها ولكنه سيأتي اليوم او غدا او بعد غد ولا تعجب ان قلت لك قد يكون التغير  أتى ولم تدري به و هنا ادعوه بالتسيير وسأكتب عن هذا في الاعداد القادمة بإذن الله سأقول للقدر الذي لا ينحني عذرا فليس العصر عصر هراءِ لن تنطفي ناري التي أشعلتها لو صُبَّ فيها الف دلوة ماءِ و أخيرا وليس آخرا اتمنى من الله ان يفتح لك طريقا لتغيير نفسك و يجعلك قادرا على اكتشاف ذاتك بقلم : فهد المصري  

مسرحيه عوده الفساد

10344812_653226624769134_2604024061480728613_n

ماجي مجدي 102

مـش هـنقدر نـنكر إن الايـام اللى فـاتت أثبـتت إن الانـتخابـات الـرئـاسيه كـانت عبـاره عن مسرحيه و إنها كمان كـانت كـوميديه من التراث الاول ، و حصل فـيها شويـه أحـداث بـينـت لـكل واحـد حـجمه كـويس ، مـش هـنتكلم بـقى فـى مسرحيه و لا مسلسل خـلينا فـى المهم . دلـوقت بقـى عـندنا رئـيس و لازم نـبدأها مـعاه عـلى نـور . أول حـاجه هـو عِـرف إن شعبـيته اللـى الاعـلام كـان عـاملها و مـضخمها طِـلعت هـوا ، و ده بـان فـى إقـبال الـناس عـلى حـضور المسرحيه ، تانى حـاجه أظـن هـو إتـاكد إن مـعظم الـشباب مـش مـعاه يـبقى يـعمل إيـه ؟ يـحاول بـقى يـهتم بـالـشباب و يـبص لـيهم و يِـفهم مـطالبهم مـش يـعمل زى الـنظام الـلى قَـبله و يـبص لـجماعته الملمومه حـواليه و بـس ، بـردوا لازم تـتعلم مـن غلط غِـيرك . هـعترف بـيك رئـيس و كـل حـاجه بـس بـشروط و هِيا مـش شـروط أوى دى حـقوق آدمـيه لـينا كـشعب . نـبدأ بـالـتعليم عـايـزين تـعليم كـويس مِـش حَـشو دمـاغ و بـس و مـراعـأه لـلمدرسين فـى الـمرتـبات عشان نـِقضى شـويه علـى الـدروس الـخصوصيه ، مِـش هَـقولـك نـِقضى خـالص . بـعدها البطالـه بـقى أظـن الـشباب جـاب أخـره من الـقعده فـى البـيت و مينـفـعش يعـنى يـا ريـس كـل واحـد يـبقى مِـتعلم و مـصروف عـليه قـد كـده و فـى الاخـر يـسرح بـعربيه خضار . نـيجى بـقى لـحاجه مهمه أوى و بـتأثر فـى الـناس ، الاعـلام يـا ريـس لازم يـنضف شويـه من كل الاشكال الـلى فـيه ، عـايزين إعـلام واعـى مُـحايد يـوضح الـحقيقه مـش يـبقى شغال لـحساب حـد مـعين مـش عـايـزين لِـعب علـى أوتـار الناس الطيـبه و الشغل الـلى الاعـلاميـبن بـيعملوه ده مـن الاخـر مِـش عـاوزين تطبـيل لـسيادتك ، آه و ملحوظه يـا ريـس مـتخليش الاعـلام يـضحك عـليك و يقولـك إن نـسبه مـعارضتك 4 % إنـت عـارف و هما عـارفين إنـنا أكتر من كده بـكتير ، أكتر من الـنسبه الـلى إنـتخبتك كمان فـ مـتخليش الـشيطان يـقولك دى أقـليه ، فـكك منهم ، و بـردوا لـو أقـليه بـلاش مـعامله الـتطنيش ، الاقـليه بـتزيد مـع زيـاده الـتطنيش . الـمحسوبـيه و الـكوسه يـا بـاشا تِـعبنا مـنها ، نِـفسنا نـروح أى مـصلحه حكـوميه و نخَـلصها فـى نـفس الـيوم مـن غـير مـا نـدفع مـليم زيـاده عـن حقها ، نِـفسنا نـروح و نـتعامل مـعامله واحـده مـش ده مـعاه كـارت يـبقى بـاشا و إحـنا ولاد كلب لازم تـقضى علـى الحكايه دى عشان كـل واحـد يـأخد حـقه فـى البـلد دى . و قـبل مـا أنسى مـِش عـايـزين إنـفجارات بقـى و لا شُغل الارهـاب ده ، تـقريبآ الـسبب الرئيسى الـلى الناس إنـتخبتك عـشانه كـان هـو ده و لا إيـه يـا سياده الريس ؟! و مـن دلـوقت عـشان مَـنختلفش مـع بـعض تـخلى بـالـك مـن سينا كـويس . نـيجى لـحته مُـعينه لـو عـملتها هـتكسب كـتير مـن الـشباب ، المُحاكمات الـعادله و الـقصاص للشهداء أظـن فـات 4 سنين أهـو و كـل ده مـفيش مُـحاكمه واحـده رجـَعت حـق حـد ، كـده كـفايه لازم يـبقى فـى مـوقـف بقـى و حـقهم يـرجع ، كـفايه إنـه ضـاع لما إنـت كِـسبت و مـسكت الـبلد . مـمنوع أى عـوده لـوشوش الـحزب الـوطنى أو لا أى حـد مـن دول ، أى نـعَم هُـما ساعـدوك كـتير فـى حـملتك الانـتخابـيه بـس تـقريبآ دورهـم لازم يـخلص بقـى عـشان وجـودهم بـيعصب الشباب . رمـضان قـرب ، كـل سنه و أنـت طـيب يـا ريـس ، و إنـت عـارف طـبعآ إنـه جـاى فـى عِـز الـحر و الـناس هـتبقى مـفرهده ، فـ مـن الـذوق مـينفعش الـكهربا و الـمايه تـقطع عـشان حـبايـبك ميـتقلبوش عـليك بدرى بدرى . الـبرامج الساخره ميـنفعش تـتمنع ، حُـريه الـتعبير لـو حـاولت بـَس تـقرب مـنها هـيتفـتح عـَليك بـاب مـالـوش آخـر ، أنـا عـن نـفسى عـايـزه أقـول رأيـي مـن غـير مـا أتـخون و لا يـتقال عـليا عـميل و لا إرهـابى و لا كـلام الـتشويش ده الـلى بـيتعمل عـشان يـشوه أى صـاحب كـلمه حق  فـى النهايه يـا ريـت الـتحرش يـتعملوا حـد شويـه و تـحاول تـعالج المشكله عـشان زادت عـن حـدها . أنـا مـش بـقول إنـك الـمسئول عـن كـل ده بـس إنـت الـمفروض إنـك راجـل الـمعركه و تعَـين نـاس قـد كـل مسئوليـه مـن دوووول ، إخـتار بقـى الـوزراء و الـمحافـظين و خـلى بـالـك كـل إخـتيار مـحسوب عـليك ، و بـردوا مِـش هـطلب ده فـى يـوم و لا اتـنين ، قـدامك فـرصتك سـنه زيـك زى الـلى قَـبلك ، لـو قِـدرت تِـقضى علـى جُـزء مـن كـل مـشكله مـن دول يـبقى خـلاص إنـت فـوق راسى ، مـقدرتـش و زودت الـمشاكل أكـتر و إهـتميت بـس بـالـلى حـواليك يـبقى مـعلش حـضرتك تـنتظر وقـتها ثـوره عليك .

كلام فى سرك

lebanon-electrecity-main-081509050029-300x182

ماجي مجدي 146

كـلام فـى سِـرك ، جـزء كبـير من فشل النـظام سبـبه الشـعب !! من طبع شعبنا العزيز الاعتـماد على الـغير ، و إنـه يقـعد مكانه و يستـنى اللى عايزه يجيله ، جـزء كمان بـيوقف حـياته عـلى أشخاص فى الحياه و يصمـم إن الحياه متـنفعش مـن غـيره زى تصميم نـاس على تـرشيح السيسى و تصميم نـاس على رجوع مرسى و الاتنـين مـوقفين الحياه على الشخصين دول مـع إن الـبلد فيـها مـلايـين أحسن و أشرف منهم مليون مره ، لكن هنعمل إيه ؟! مرايه الجهل عاميه و مـن انهارده فـى البلد دى مش هـندهـش مـن أى حـاجه عادى دلـوقت ممكن متـتعلمش و لا تـتعب نـفسك بـ دراسه و مصـاريف لمـا ممكن تـروح تنـتخب واحـد هيسلم كـل الشباب عربـيات خـضار يشتـغلوا علبها حـلآ لـمشكله الـبطالـه و فـر فـلوس الدراسه عشان تعرف تكـبر عـربيه الخـضار جـايز البـليه تِـلعب مـعاك و تـفتح محل خضار قد الدنيا ، مـش هـستغرب لـو شـوفت عيـال مكـملوش 6 و 7 سنين بيـعاكسوا بنات و يـمدوا إيدهم عليهم تـحت رعـايه متـحرشون فـى سن الطـفولـه مـا ده بقـى عـادى مـا التـربـيه بـقت مـعدومـه و الـرقـابه علـى الاطفـال الـلى هُـما شباب المستقبل تـقريبآ بـقت عـاده قديمه مـوضتها بطِلت ، و عـادى لـما الاقـى الدكـاتره مـطلعين عـقدهم عـلينا فـى الامتـحانـات و الـعادى أكـتر إنـى لازم أسكت و لـو فـكرت أعـترض على إمتـحان من دول مـش بـعيد مـتخرجش مـن الكـليه أصلآ يـــلا أبقـى أشـتغل علـى عـربـيه الخـضار ( مستـقبل مضـمون الصـراحه)، و لـو ورايـا مـصلحه و عـايـزه أقضيها بـسرعه مفـهاش حـاجه لـو أمـد إيـدى فـى جيـبى بـ 50 جـنيه و لا حـاجه عشـان أَمشى نـفسى و أهى رشـه خفـيفه على الموظف عشان يخلصنى و بـالـمره يـشرب شاى ، و هـفرح أوى لـما أشـوف المـحسوبـيه و الـكوسه بتـزيد فـى الـبلد .. أه هـفرح دى حـقوق نـاس يـا جـماعه يـعنى أمـثالـنا ليـه يتـعينوا فـى مـناصـب مـهمه مـا دام فـى نـاس تـانيـه ملـهاش أى تـلاتـين لازمـه يستـحقوا الـمناصـب دى فـيها إيه بـطلوا إفتـرى بقـى علـى الـناس عـادى لـما الفـساد يـزيد ده بقـى روتيـن فـى الـبلد لازم نـتعود عـليه مـن إنهـارده و لا إحـنا لسه هـنتعود إحـنا مَـولـديـن متـعوديـن خِـلقه ،و حقيـقه بقـى لازم نعـرفـها و نـعترف بيـها إن الحـياه مـن غـير كـهربـا أحـلى و أمتـع يــــــــــا سـلام كـده و أنت فـى عـز الـحر و الـكهربـا قـاطـعه يــــــاااااااااااااه مـش قـادره أتخـيل كـميه المـتعه الـلى الـواحد بـيـبقى فيـها ،و لـو علـى زحـمه الـمرور دى لـيها سبـب .. علـى فـكره ممكن تـتحل بـكل سهولـه لـكن هـما سايـبنها عـشان نتـعلم الـصبر بـلاش ظـلم و إفـترى علـى الحكـومـه ، بلاش نتـكلم عـن الـناس الـلى فـى السجـون و لا النـاس الـلى مـاتـت و لا أى قمـع مـن الـداخـليه و لا سحل المعارضين و التـفرقـه العنـصريـه مـع جـميع فـئات الشعب خلـينا نتـكلم عـن الصـيف و هـنصيف فـين ياااااااااه فـلوسنا كتـير و لازم نـصرفها و نـتمتع فـى عـز الاستـقرار الـلى إحنـا فـيه ده . . العـيب فـينا و لا فـى النـظام طـب مـا إحنـا إيـه و النـظام إيـه مـا إحنـا جـزء مـن النـظام ، بقـينا بنمشى مـع الـنظام و نـسايـره زى مـا بـيقولـوا بـنمشى مـع الموجـه ،و الـلى لازم نـعمله مـن وجـهه نـظرهـم إنـنا نـكتم صـوتـنا و نـسكت و إنـنا نـتعود علـى كـل حـاجه غـلط و نـنسى أى كلـمه حـق بـالجهل الـلى عـايـزيـن يـزرعـوه جـوانـا مصمـميـن يـعلمونـا بـسياستهم الـلى هـما عـايـزنها و بـس ، ليه نـبقى قـطيع نـمشى ورا كـلام نـهز رأسـنا لِيه و بس ،و لـو على دورنا فـى أى حـاجه فـ هـو مـلغى أو مُنـكر بـالنـسبه لـيهم ، تـعبنا مـن كـل حـاجه و أملـنا فـى ربـنا كبـير يـخَرجـنا مـن جـو المـؤامـرات الـلى زرعـونا فى وسطـها ، عـندى أمـل إن لـلظـلم نهـايـه و بـتمنى إن الـنهايـه تِـقرب قـبل مـا يفـيض بـينا و نسيـبها لـيهم مـتخَدره .

الأمن يسيطر على اشتباكات المطرية وفض تجمع الإخوان

admin 43

  نجحت الأجهزة الأمنية بمديرية أمن القاهرة فى السيطرة على الاشتباكات التى وقعت بينها وبين أعضاء جماعة الإخوان الإرهابية بشارع التروللى بالمطرية. وأوضح مصدر أمنى لـ”اليوم السابع” أن القوات تمكنت من فض تجمع لأعضاء الإرهابية وتم تفريقهم، موضحاً أن الحالة المرورية والأمنية عادت لطبيعتها.